ERETZ ISRAEL

Rosh Ashaná (en ivrit: ראש השנה, rosh ha-shānā, "la kabesa del anyo") es el Anyo Muevo espiritual djudio i se fiesta el primero i el sigundo diya de Tishre (un mes en el kalendario ebreo). Para el empesijo del anyo ebreo egsizten dos kriterios: asigun la Tora, el mes de Nisan (por marso-avril) será el primero de los meses del anyo (Shemot 12:2). Ma dempues, la tradisiyon djudia establesió el empesijo del anyo en el mes de Tishre (por syetiembre-oktobre), kuando se fiesta el Anyo Muevo Djudio o Rosh Ashaná, por konsiderarse kualo es el mes en que El Dio krió el mundo i es a partir de esta selebrasiyon kuando se kuentan los anyos. En este diya, asigún la tradisiyon, fue kriado el primer ombre: Adan. La fiesta empiesa kuando kae el sol el diya anterior. El shofar se tanye durante sha'hrit. El sonete de este korno, kaji siempre de kodrero, yama a los djudios a la meditasiyon, al avtoanálisis i al arrepentimiento, endemas de rogar de dar sanedad, i huersa para pueder gerreyar kon las difikultades ke las personas rankontran kada diya. Es el primero de los diyas de arrepentimiento i de balanso de las échas i de las aksiyones realisadas, de meldadura i sensibilidá espesialas (Aseret Yemei Teshuva) las kualas akaban kon el Yom Kippur (Díya del Pardón). EN LADINO, O EN CUALQUIER OTRO IDIOMA...QUE D-OS TE DE UN AÑO 5774 LLENO DE SALUD, PAZ, AMOR Y PROSPERIDAD...EN PLENO A SU SERVICIO. SHANAH TOVAH